Sajak Kuring ” Janari ka tujuh Romadhon “
Ya Allah Gusti nu Agung
Murubut cai mata
Ragrag masehan pipi
Ras ka badan Awaking
Nu can bisa sampurna
Ibadah ka anjen
Hirup luput pinuh ku dosa
Ngaragap diri
Nu beki nyerelek
Ku betahna di Alam dunya
Beki beak saetik saetik kanikmat ti Anjen
Nu sakitu Jembarna Anjeun masihan
Mangpirang pirang kanikmatan
Sabagian di samporeken
Sabagian kapiceun
Ku tingkah laku
Nu galalaworaken
Kana ka agungan Anjen
Duh Gusti
Di janari poe ka tujuh Romadhon
Haturan diri muhasabah
Neda pangampun ti Anjen
Neda pangampura
Tina sagala lengkah laku
Nu salah
Carindul panon
Ngabaturan jumeritna ati
Nu rumasa pinuh ku salah
Janari ka Tujuh Romadhon
Mugia Gusti kersa ngadugikeun ieu doa
Ker Indung jeng Bapa
Nu tos di pundut ku Anjeun
Lebetken maranehna
Kana Sawarga Anjen
Pasihan nikmat Kubur
Pendaken abdi jaga di Barisan Nabi Agung Muhamad SAW
Rumaos abdi tambelar
Can bisa ngabagjaken
Maranehna
Kadua kolot abdi
Duh Gusti Nu Agung
Mung ka Anjeun abdi
Neda pitulung
Mung ka Anjeun
Abdi neda pangampura
Ya Allah Ya Rabbal allamin
Janari 17 Maret 2024
Poe Katujuh Romadhon
Pujangga Renta
Irsyamba